Is-Salvatur stieden lid-dixxipli tiegħu: “Hekk għandu jiddi d-dawl tagħkom quddiem il-bnedmin, biex jaraw l-għemejjel tajba tagħkom u jagħtu glorja lil Missierkom li hu fis-smewwiet” (1)
Ta’ spiss fl-iskrittura nsibu li aħna d-dawl tad-dinja. Infatti, ħafna nies fil-postijiet li niffrenkwentaw diġà jinnotawna, aħna nispikkaw bħala membri tal-Knisja ta’ Ġesù Kristu f’ħafna affarjiet li nagħmlu fil-ħajja ta’ kuljum.
Nies madwarna l-iskola jew l-università, fuq il-post tax-xogħol jew f’postijiet oħra li niffrenkwentaw diġà nnutaw li aħna ma nixorbux xorb alkoħoliku, u nnutaw ukoll li aħna ma npejpux.
Ħafna iżjed nies ħa jaraw id-dawl ta’ Kristu fil-bixra tagħna.
In-nies ħa jinnotaw fuq kollox kif aħna nitrattaw nies oħra. Fil-mod kif aħna nkellmu nies oħrajn, huma ħa ninnotaw fuq kollox il-mod kif aħna inservu lil xuxlin, il-mod li bih ngħinu lil xulxin.
Il-President Russell M. Nelson qal:
Għeżież ħuti, il-mod kif aħna nittrattaw lil xuxlin huwa tassew importanti! Kif nkellmu lil oħrajn, u nitkellmu dwar oħrajn, id-dar, il-knisja, ix-xogħol, u onlajn, huwa tassew importanti. (2)
Aħna mgħammdin, aħna nieħdu fuqna nfusna l-isem ta’ Kristu. Il-profeta Alma għallimna:
“...u issa, la intom tixtiequ ssiru parti mill‑merħla ta’ Alla, u tibdew tissejħu l‑poplu tiegħu, u lesti li ġġorru t‑tagħbija ta’ xulxin, ħalli tkun ħafifa;
... u tieqfu bħala xhieda ta’ Alla f’kull ħin u f’kollox, u f’kull post li tafu tkunu fih, u intom tagħmlu dan sal‑mewt, sabiex tkunu tistgħu tiġu mifdijin minn Alla, u tingħaddu ma’ dawk tal‑ewwel qawmien, ħalli tkunu tistgħu tiksbu l‑ħajja ta’ dejjem—
... bħala xhieda quddiemu li intom dħaltu f’patt miegħu, li sejrin taqduh u tħarsu l‑kmandamenti tiegħu, biex huwa jkun jista’ jsawwab l‑Ispirtu tiegħu fuqkom bil‑kotra?” (3)
Wara l-magħmudija, aħna nirċievu d-don tal-Ispirtu s-Santu, li ħa jibqa’ dejjem magħna skont il-fidi tagħna.
Din l-istess sħubija tal-Ispirtu s-Santu tgħinna niddistingwu t-tajjeb mill-ħażin, ... minħabba l-Ispirtu tal-Mulej Omnipotenti, li li wassal għal bidla kbira fina, jew f’qalbna, fejn aħna m’għandniex aktar xewqa li nagħmlu l‑ħażen, iżda li nagħmlu dejjem it‑tajjeb. (4)
Kull ġurnata ta’ ħajjitna, jeħtiġilna nfittxu dawk l-opportunitajiet biex nagħmlu dejjem it-tajjeb, li nimxu wara l-gwida tal-ispirtu. Aħna nirċievu ħafna opportunitajiet biex nagħmlu dan.
L-evanġelju ta’ Ġesù Kristu huwa sempliċi u prattiku ħafna. Xi drabi aħna nqattgħu ħafna ħin nippruvaw nispjegaw il-prinċipji tal-evanġelju, iżda l-aħjar ħaġa li nistgħu nagħmlu hija li nistiednu lill-ħbieb tagħna jattendu l-laqgħa tas-sagrament.
Matul il-laqgħa tas-sagrament l-Ispirtu s-Santu jagħti xhieda tal-verità ta’ dak kollu li jiġri.
Fittxu dawn l-opportunitajiet biex tagħmlu t-tajjeb, biex isservu fil-Knisja u barra ‘l Knisja, f’kull post li tispiċċaw fih.
Ejjew nistiednu lill-ħbieb tagħna biex jiġu u jaraw, biex iħossu l-ferħ li jasal mill-influwenza tal-Ispirtu s-Santu.
Meta nagħmlu dan kull ġimgħa, jiena nixhed li aħna nsiru dixxipli aqwa ta’ Ġesù Kristu, li kull jum se nkunu iktar bħalu, u ha nħossuna eqreb tiegħu.
- Mattew 5:16; ara wkoll 3 Nefi 12:16).
- Meħtieġa Nies li Jpibu l-Paċi, Pres. Nelson, April 2023 Konferenza Ġenerali)
- Mosija 18: 8-10)
- Mosija 5:2)