Fis-17-18 ta’ Diċembru, 2024, Il-Knisja ta’ Ġesù Kristu tal-Qaddisin tal-Aħħar Żmien tat donazzjonijiet sinifikanti lil tliet istituzzjonijiet tal-karità f’Barċellona. Il-Presbiteru Rubén V. Alliaud, il-President tar-Reġjun Ċentrali tal-Ewropa, irrappreżenta lill-Knisja f’dawn l-isforzi. Il-Knisja tikkollabora ma’ organizzazzjonijiet umanitarji madwar l-Ewropa kollha biex tnaqqas it-tbatija u tieħu ħsieb dawk li jinsabu fil-bżonn. “Wara dawn il-proġetti dejjem hemm l-uċuħ, u hemm il-qlub u hemm il-ħolm” saħaq il-President Alliaud.
Casal dels Infants
Il-Knisja ilha tappoġġja b’mod attiv lil Casal dels Infants, organizzazzjoni ddedikata biex tgħin lit-tfal li jinsabu f’riskju ta’ faqar jew esklużjoni soċjali, mill-2023. Din il-kollaborazzjoni wasslet għal titjib sinifikanti fl-infrastruttura tal-faċilitajiet tal-organizzazzjoni u f’dak li huwa tqassim ta’ ġugarelli għat-tfal. Barra minn hekk, il-Knisja ffinanzjat 30 fil-mija tal-boroż ta’ studju meħtieġa biex jiġu operati l-programmi edukattivi “tfal f’riskju”.
Id-Direttur tal-Komunikazzjoni u Kollaborazzjonijiet taċ-Ċittadini, Raquel Ortega I Clotet, qalet, “L-edukazzjoni hija l-għodda tagħba biex inkissru ċ-ċiklu tal-faqar. L-għajnuna essenzjali tal-Knisja ta’ Ġesù Kristu tal-Qaddisin tal-Aħħar Żmien hija ddedikata biex tissapportja s-servizzi edukattivi u soċjali li ħafna subien u bniet jeħtieġu biex itejbu s-sitwazzjoni tagħhom u jnaqqsu l-effetti li l-faqar jista’ jkollu fuq il-preżent u l-futur tagħhom.” Il-President Alliaud żied jgħid, “Din [l-edukazzjoni] hija l-ikbar għemil tal-jum, l-ikbar mezz għall-ugwaljanza, l-ikbar għajn tal-opportunitajiet kollha.”
Mil-lemin għax-xellug fil-faċilità Casal dels Infants: Rosa Balaguer, Direttur Ġenerali, Casal dels Infants; il-Presbiteru Alliaud u Roser Rosell, President, Casal dels Infants.
Fir-ritratt mix-xellug għal-lemin: Nuria Oliveras, għalliema; Ana Solanas, għalliema; il-Presbiteru Alliaud u Rosa Balaguer, Direttur Ġenerali, Casal dels Infants, jgħallmu lit-tfal fi klassi ġewwa Casal dels Infants.
Il-Presbiteru Alliaud jiltaqa’ ma’ studenti filwaqt li Ana Solans, għalliema, qed tisma’ ġewwa l-faċilità ta’ Casal dels Infants.
Fuq wara mix-xellug għal-lemin fi klassi ta’ Casal dels Infants: Alexandra Benites; il-Presbiteru Craig Rees u Sister Mary Rees, Missjunarji tas-Servizzi tal-Benesseri u Awto-Dipendenza għall-Knisja; Christian Ottiker, Maniġer tas-Servizzi tal-Benesseri u Awto-Dipendenza tar-Reġjun taċ-Ċentru tal-Ewropa tal-Knisja; Rosa Balaguer, Durettur Ġenerali, Casal dels Infants; il-Presbiteru Alliaud u Roser Rosell, President, Casal dels Infants. Fuq quddiem mix-xellug għal-lemin: Ana Solanas, għalliema; Raquel Ortega, Direttur tal-Komunikazzjoni u Kollaborazzjonijiet taċ-Ċittadini u Nuria Oliveras, għalliema.
Fundación Convento Santa Clara
Il-Fundación Convento Santa Clara hija organizzazzjoni mingħajr skop ta’ qligħ iddedikata biex tippreveni, tagħraf, u tieħu ħsieb individwi f’sitwazzjonijiet ta’ esklussjoni soċjali. Insibu familji ta’ ġenitur wieħed, vittmi ta’ vjolenza tal-ġeneru, individwi b’vizzji, tfal u xjuħ vulnerabbli, immigranti, refuġjati, u persuni mingħajr dar. Il-Knisja ilha tikkoopera mal-Fondazzjoni minn żmien il-COVID-19, f’Marzu 2020, billi tikkontribwixxi għall-bank tal-ikel tagħha, il-ġonna tal-familja, sistemi ta’ filtrazzjoni, tank tal-ilma, renovazzjonijiet ta’ appartamenti, u aġġornamenti infrastrutturali għall-maħżen il-ġdid tagħha.
“Li nsir naf mill-qrib lill-missjunarji u, dan l-aħħar, lill-mexxejja tal-Knisja ta’ Ġesù Kristu tal-Qaddisin tal-Aħħar Żmien kien għalija rivelazzjoni ta’ vera ta’ x’ifisser li b’mod sinċier tgħix u taqsam il-fidi tiegħek ma’ ħaddieħor,” qalet Sor Lucia Caram, Direttur tal-Bord tal-Fiduċjarji. “Dan jagħtini l-qawwa u jkebbes it-tama tiegħi fix-xewqa ta’ Ġesù li aħna lkoll insiru ħaġa waħda.” Kompliet tgħid li “l-Fondazzjoni tal-Kunvent ta’ Santa Klara tħoss ammirazzjoni profonda u gratitudni lejn l-aħwa tal-Knisja ta’ Ġesù Kristu, li magħhom aħna ‘nilagħbu fl-istess tim.’ L-unità li Ġesù ried hija xi ħġa reali: ejjew u araw.”
Fir-ritratt mix-xellug għal-lemin fil-ġonna tal-Kunvent ta’ Santa Klara: Swor Lucia Caram, Direttur fuq il-Bord tal-Fiduċjarji tal-Fondazzjoni tal-Kunvent ta’ Santa Klara; Daniel Ramón Gallardo, President tal-Fergħa tal-Knisja f’Manresa: Enrique Matoro del Campo, l-Ewwel Konsulent, President tal-Wited tal-Knisja f’Lleida u l-Presbiteru Alliaud.
Appartament rinovat, mix-xellug għal-lemin: Christian Ottiker, Maniġer għas-Servizzi tal-Bebesseri u Awto-Dipendenza fir-Reġjun Ċentrali tal-Ewropa tal-Knisja; Sister Mary Rees, missjunarja tal-Knisja għas-Servizzi tal-Benesseri u Awto-Dipendenza; il-Presbiteru Alliaud; Niuria Tatjé Pons, assistent soċjali; Swor Lucia Caram, Direttur fuq il-Bord tal-Fiduċjarji tal-Fondazzjoni tal-Kunvent ta’ Santa Klara; resident ta’ appartament, Enrique Matoro del Campo, l-Ewwel Konsulent, President tal-Wited tal-Knisja f’Lleida u wieħed mir-residenti.
Il-Presbiteru Alliaud jiltaqa’ ma’ Swor Lucia Caram, Direttur fuq il-Bord tal-Fiduċjarji tal-Fondazzjoni tal-Kunvent ta’ Santa Klara.
Mix-xellug għal-lemin fil-ġnien tal-Kunvent ta’ Santa Klara: Christian Ottiker, Maniġer għas-Servizzi tal-Bebesseri u Awto-Dipendenza fir-Reġjun Ċentrali tal-Ewropa tal-Knisja; il-Presbiteru Alliaud; Swor Lucia Caram, Direttur fuq il-Bord tal-Fiduċjarji tal-Fondazzjoni tal-Kunvent ta’ Santa Klara; Enrique Matoro, del Campo, l-Ewwel Konsulent, President tal-Wited tal-Knisja f’Lleida; Daniel Ramon Gallardo, President tal-Fergħa tal-Knisja f’Manresa u Sister Mary Rees u l-Presbiteru Craig Rees, Missjunarji tas-Servizzi tal-Benesseri u Awto-Dipendenza għall-Knisja.
Salib Aħmar Sabadell
Salib Aħmar Sabadell timmira li tipprevjeni u ttaffi t-tbatija umana, li tipproteġi l-ħajja u s-saħħa, u li tassigura rispett għall-bnedmin kollha. Bħalissa l-Knisja qed tassisti biex spazju fil-faċilità tas-Salib Aħmar jingħata skop ġdid ħalli jinħoloq suq fejn dawk fil-bżonn jistgħu jsarrfu punti li jiksbu permezz ta’ ħiliet ta’ awto-dipendenza f’oġġetti essenzjali. Dan l-aħħar il-Knisja tat għotja ta’ flus niex jinxtraw 200 tibdila u 200 kutra għal refuġjati u immigranti vulnerabbli fiz-zona.
Montse Font, il-President ta’ Salib Aħamar Sabadel, apprezza ż-żjara tal-President Alliaud. “Ir-relazzjoni li nżommu mal-Knisja ta’ Ġesù Kristu tal-Qaddisin tal-Aħħar Żmien hija eżempju ċar ta’ kif kollaborazzjoni reċiproka tista’ tiġġenera impatt pożittiv u trasformattiv fuq is-soċjetà, speċjalment fuq l-iktar nies vulnerabbli. L-aħħar żjara fil-kwartieri għolja tagħna ta’ delegazzjoni tal-Knisja, immexxija mill-president tagħha tar-Reġjun Ċentrali tal-Ewropa, Ruben V. Alliaud, kienet opportunità biex inseddqu mill-ġdid ir-rabtiet profondi ta’ fiduċja u impenn li naqsmu ma’ xulxin. Grazzi għas-sapport kontinwu tagħkom, aħna stajna niżviluppaw proġetti u trattati varji li tejbu l-ħajja ta’ ħafna nies li aħna, bħala Salib Aħmar, inservu. Huwa privileġġ li jkollok alleat bħall-Knisja ta’ Ġesù Kristu tal-Qaddisin tal-Aħħar Żmien, li tifhem l-importanza li naħdmu flimkien għall-ġid komuni u li, jum wara l-ieħor, tgħinna nwettqu proġetti li jtejbu b’mod reali l-ħajja tan-nies.”
L-impenn tal-Knisja li tgħin il-foqra u lil dawk fil-bżonn isib l-għeruq tiegħu fit-tagħlim u l-eżempju ta’ Ġesù Kristu. Din id-dedikazzjoni hija mnebbħa mit-twemmin fis-siwi inerenti ta’ kull individwu u f’missjoni biex intaffu t-tbatija, nippromwovu l-awto-dipendenza, u nrawmu r-reżiljenza fil-komunità. Il-Knisja ta’ Ġesù Kristu tal-Qaddisin tal-Aħħar Żmien tapprezza li taħdem ma’ organizzazzjonijiet li għandhom l-istess viżjoni tagħha li jieħdu ħsieb dawk fil-bżonn.