Il-Presidenza tar-Reġjun Ċentrali tal-Ewropa tal-Knisja ta’ Ġesù Kristu tal-Qaddisin tal-Aħħar Żmien ħabbret tibdil fit-tmexxija fost il-Konsulenti dwar Organizzazzjoni ta-Reġjun. Wara tliet snin ta’ servizz iddedikat, Sister Angela Carattoni, Sister Margret Cziesla, u Sister Gerlinde Merl se jkunu rilaxxati mill-assenjamenti tagħhom bħala Konsulenti dwar Organizzazzjoni tar-Reġjun. Dawn in-nisa servew b’fidi sħiħa biex jappoġġjaw mexxejja lokali tas-Soċjetà tas-Solliev, Tfajliet, u organizzazzjonijiet tal-Primarja madwar ir-reġjun kollu.
Sister Angela Favia, mill-Italja, ġiet imsejħa biex isservi bħala l-Konsulenta ġdida dwar Organizzazzjoni tar-Reġjun u se tibda fl-1 ta’ Awwissu 2025.
“Nitlob b’sinċerità li din is-sejħa ġdida se tressaqni eqreb lejn Missierna fis-Smewwiet u tgħinni biex nitgħallem mis-servizz devot u l-imħabba tas-sisters li se naħdem magħhom,” qalet Sister Favia. “Nittama li nsir nafhom b’tali mod li bih ilkoll inkunu nistgħu niġu edifikati u ispirati biex nagħmlu t-tajjeb.”
Angela Favia twieled Bari, l-Italja, u hija miżżewġa lil Nicola de Santis. Għandhom tliet ulied bniet u jgħixu fil-wited tal-Puglia fl-Italja. Bħalissa hija sservi bħala l-President tas-Soċjetà tas-Solliev fil-Qasam u bħala Ħaddiema tal-Ordinazi fit-Tempju fit-Tempju ta’ Ruma fl-Italja. Qabel dan hija kienet serviet bħala l-President tas-Soċjetà tas-Solliev fil-Wited, bħala President tat-Tfajliet fil-Qasam u bħala President tal-Primarja u wkoll bħala missjunarja f’Temple Square f’Salt Lake City. Għal madwar 20 sena, Sister Favia ħadmet f’kumpanija tat-traduzzjoni, fejn kellha rwoli diversi bħala Traduttriċi, Maniġer tal-Proġetti u Ġenerali, u Direttur tal-Uffiċċju fl-Italja.
“Jien naf li l-evanġelju ta’ Ġesù Kristu jberikna individwalment u bħala familji, filwaqt li japprofondixxi x-xenqa tagħna biex nitjiebu billi nemitaw lill-imħabba u l-għemejjel tas-Salvatur,” qalet fix-xhieda tagħha. “Meta nimxu wara t-tagħlim ta’ Ġesù Kristu u tal-qaddejja leali tiegħu, aħna nħossu l-imħabba u l-gwida tiegħu f’ħajjitna. Nesperjenza l-ferħ u niksbu l-qawwa biex negħlbu l-isfidi tal-ħajja b’modi li jmorru lil hinn minn kull spjegazzjoni.”
Il-Konsulenti dwar Organizzazzjoni tar-Reġjun jassistu mexxejja loklli tal-organizzazzjonijiet tal-Knijsa li huma fuq tfal, żgħażagħ u nisa, u tipikament iservu għal tliet snin f’dan l-irwol. Minbarra li jipprovdu orjentament u sapport għal dawk il-presidenzi li jkunu għadhom kemm ġew imsejħin, huma wkoll jgħinu lill-mexxejja biex jintegraw ruħhom fil-Ħidma ta’ Alla għas-Salvazzjoni u l-Eżaltazzjoni. Il-Konsulenti dwar Organizzazzjoni tar-Reġjun iservu taħt id-direzzjoni tal-Presidenza tar-Reġjun u f’koordinazzjoni mal-uffiċjali ġenerali tal-Knisja.