Hekk kif il-ministeru tiegħu fl-Ewropa joqrob lejn it-tmiem, il-Presbiteru Gérald Caussé tal-Kworum tat-Tnax-il Appostlu, akkumpanjat minn martu, Valérie, żar it-Tempju ta’ Pariġi fi Franza nhar il-Ħamis u l-Ġimgħa, 26-27 ta’ Frar, 2026. Huma pparteċipaw f’ċerimonji sagri, żaru mal-patruni u l-mexxejja tat-tempju, u ltaqgħu ma’ membri ġodda tal-Knisja flimkien ma’ ġurnalisti fiċ-Ċentru tal-Viżitaturi tat-Tempju ta’ Pariġi.
“L-ordinanzi tat-tempju jiddistingwuna mill-knejjes Kristjani l-oħra kollha,” qal il-Presbiteru Caussé fil-konferenza tal-Wited tan-Nofsinhar ta’ Pariġi li saret għall-Qaddisin tal-Aħħar Żmien u l-ħbieb li jemmnu nhar il-Ħadd, 22 ta’ Frar. “Kemm-il knejjes jistgħu jgħidu u jaffermaw li l-familji jistgħu jdumu għal eternita’?”
It-tempji huma spazji sagri għall-Qaddisin tal-Aħħar Żmien. Iċ-ċerimonji li hemm fi ħdanhom jippermettu li r-rabtiet tal-familja jibqgħu sa wara l-mewt. It-tempji huma distinti mill-kappelli lokali. Is-servizzi tal-Ħadd u attivitajiet oħra tal-ġimgħa fid-djar tal-laqgħat lokali huma miftuħin għal kulħadd. It-tempji huma riservati għal membri fidili u dawk mħejjija.
Il-membri jissagrifikaw li jqimu f’dawn il-postijiet speċjali. Nathan Neville, per eżempju, ivvjaġġa aktar minn sagħtejn biex iqim fit-Tempju ta’ Pariġi matul il-ġimgħa li l-Presbiteru Caussé żar lil Franza.
“Grati li ninsabu hawn biex inqimu u nħossu l-preżenza ta’ Ġesù Kristu,” qal Neville. “Għandna ħajja mgħaġġla ħafna. Din hi okkażjoni biex niddedikaw ħin biex inkunu fid-dar tal-Mulej] u nħossuna aħjar.”
Stephania Tonon ilha tqim fit-tempji minn età żgħira. Il-fatt li tkun fid-dar tal-Mulej jgħinha tħoss konnessjoni aktar mill-qrib kemm ma’ Kristu kif ukoll ma’ missierha, li miet meta kellha 13-il sena.
“Li nqimu fit-tempju jfisser ħafna għalija,” qalet hi. “Torbotni mal-Mulej, u nħoss l-istess sentiment [kull darba fit-tempju] li kelli meta ġejna ssiġillati bħala familja ma’ missieri. Irrid inqim fit-tempju għaliex nixtieq inħoss dan is-sentiment għal darb’oħra. Jien nista’ verament insib lill-Mulej hawn fid-dar tiegħu.”
Mill-mument fl-1998 li l-President Gordon B. Hinckley qal lill-Qaddisin fi Franza li tempju kien se jinbena f’pajjiżhom, il-Caussés għamluha kwistjoni ta’ talb ta’ kuljum għal kważi żewġ deċennji.
“Ma kienx hemm jum wieħed li mar meta l-familja tagħna ma offrietx talba f’isem il-proġett tat-tempju,” qal l-Appostlu. “U kemm kienet esperjenza sabiħa bħala familja li stajna ninġabru flimkien fit-tempju ladarba ġie ddedikat [fl-2017].
Dik is-sena, il-Presbiteru Caussé u martu, Valérie, servew bħala gwida fit-Tempju ta’ Pariġi għal ġimgħa qabel id-dedikazzjoni tiegħu mill-President Henry B. Eyring tal-Ewwel Presidenza. Waqt vjaġġ wieħed, ġie diskuss il-kunċett tal-eternità.
L-Appostlu spjega: “Dak inhar, irrealizzajt xi ħaġa li kont illi nemmen b’użanza. Permezz tar-restawrazzjoni tal-knisja, l-imfietaħ għas-saċerdozju, u s-siġill tal-familji, aħna għandna viżjoni li tħaddan lill’hinn minn din il-ħajja. Aħna għandna dak li hu neċessarju għall-eżaltazzjoni tagħna.”
Fil-Knisja ta’ Ġesù Kristu tal-Qaddisin ta’ l-Aħħar Żmien, l-eżaltazzjoni tirreferi għall-ogħla forma ta’ salvazzjoni. Wara l-Qawmien mill-Imwiet, in-nies jistgħu jgħixu fil-preżenza ta’ Alla mal-familji tagħhom u jirċievu l-milja tal-ferħ.
Għall-President Eyring, it-Tempju ta’ Pariġi kien mod kif “noħolqu ġenerazzjoni ta’ nies li jitkellmu bil-Franċiż li huma devoti profondament lejn il-Mulej Ġesù Kristu u ppreparati biex iwasslu l-evanġelju lid-dinja,” qal il-Presbiteru Caussé.
L-enfasi fuq Kristu tippenetra t-tempju, żied jgħid, u nies li ma jemmnux jinnotaw dan.
“Hemm konnessjoni qawwija bejn Ġesù Kristu u t-tempju,” huwa qal. “Naturalment, l-ordinanzi kollha li nwettqu fit-tempju jsiru f’isem Ġesù Kristu. Dawn huma patti li nagħmlu ma’ Ġesù Kristu. Imma wkoll għal ħbiebna, nies li mhumiex tal-istess twemmin tagħna, meta jiġu fil-post hawnhekk, l-ewwel ħaġa li jaraw hija dik l-istatwa ta’ Ġesù Kristu, u għalihom se tkun konferma li l-Knisja tagħna, ir-reliġjon tagħna, hija kollha dwar Kristu.”
“Naf ħafna nies,” żied jgħid, “li kkonvertew jew ħassew l-Ispirtu sempliċement billi ġew hawn u rrealizzaw li Kristu jinsab fiċ-ċentru tar-reliġjon tagħna.”
Il-Knisja ta’ Ġesù Kristu tal-Qaddisin ta’ l-Aħħar Żmien għandha madwar 500,000 membru fl-Ewropa. F’diversi konferenzi ġenerali f’dawn l-aħħar snin, il-President Russell M. Nelson ħabbar pjanijiet biex jinbnew 10 tempji f’diversi pajjizi madwar l-Ewropa.
- Vjenna, Awstrija
- Budapest, l-Ungerija
- Brussell, Belġju
- Hamburg, Ġermanja
- Dublin, Irlanda
- Milan, Italja
- Oslo, in-Norveġja
- Porto, Portugal
- Edinburgh, l-Iskozja
- Barċellona, Spanja
- Birmingham, Ir-Renju Unit
Tlieta minn dawn, it-Tempju ta’ Brussell, il-Belġju, Budapest, l-Ungerija u t-Tempju ta’ Birmingham England bdew jinbnew.
Minbarra li jattendu t-tempju għat-tkabbir spiritwali personali, il-Qaddisin tal-Aħħar Żmien jaqdu bħala voluntiera. Huma jilqgħu lill-viżitaturi u jassistu lil dawk li jattendu s-servizzi.
Iż-żjara tal-Presbiteru Caussé fit-Tempju ta’ Pariġi turi l-importanza tad-dar tal-Mulej fit-testimonjanza tiegħu u tal-membri tagħha. Bit-tkabbir sinifikanti tal-Knisja madwar id-dinja — inkluż fl-Ewropa — il-kostruzzjoni tat-tempji qed taċċellera.