Bi tħejjija għas-sessjoni tat-tmexxija tal-konferenza ġenerali li ġejja (2 ta’ April, 2026) L-Ewwel Presidenza tal-Knisja ta’ Ġesù Kristu tal-Qaddisin tal-Aħħar Żmien ħabbret ċertu tibdil li se jkun hemm fl-iskeda tal-klassi tal-laqgħa tal-Ħadd u dan għandu jkun ta’ sapport għall-membri fl-isforzi tagħhom biex tul ħajjithom ikunu dixxipli ta’ Ġesù Kristu. It-tibdil sejjer issaħħaħ it-tagħlim tal-evanġelju fid-djar u fil-kongregazzjonijiet madwar id-dinja. Ara l-ittra uffiċjali mill-Ewwel Presidenza.
F’Jannar 2019, il-Knisja implimentat skeda tal-Ħadd ta’ sagħtejn biex tipprovdi lill-individwi u lill-familji opportunitajiet akbar għal studju tal-evanġelju ċċentrat madwar id-dar. Il-membri madwar id-dinja laqgħu dan it-tibdil b’fidi u entużjażmu. Tibdil ieħor se jiġi introdott biex ikabbar aktar it-tagħlim, is-soċjabiltà, u l-qima.
Laqgħat ta’ Kull Ġimgħa tal-Iskola tal-Ħadd, tal-Kworum u tal-Klassi
Mis-6 ta’ Settembru, l-iskeda tal-ġimgħa li talterna għal-laqgħat tal-Iskola tal-Ħadd, tal-kworum u tal-klassi mhijiex se tkompli. Skont l-iskeda aġġornata:
- Il-laqgħat tal-Iskola tal-Ħadd, tas-Soċjetà tas-Solliev, tal-kworum tal-presbiteri, tat-Tfajliet u tal-kworum tas-Saċerdozju ta’ Aron se jibdew isiru kull ġimgħa.
- Il-laqgħa tas-sagrament se tkompli tkun 60 minuta, segwita minn ħin qasir ta’ transizzjoni.
- Il-laqgħat tal-Iskola tal-Ħadd, tal-kworum u tal-klassi se jkunu twal 25 minuta l-waħda.
- Il-Primarja se tibqa’ kull nhar ta’ Ħadd u se tkun twila 55 minuta, u se ssir waqt li l-adulti u ż-żgħażagħ ikunu qed jattendu l-klassijiet rispettivi tagħhom.
- F’postijiet fejn ikun hemm il-ħtieġa, hu possibbli li jibdew bil-Primarja u bil-laqgħat tal-kworum u tal-klassi u jikkonkludu bil-laqgħa tas-sagrament.
“Li ninġabru flimkien kull ġimgħa f’kull klassi jgħinna nsaħħu t-tagħlim tal-evanġelju billi norbtuh aktar mill-qrib mal-istudju personali u mal-istudju tal-familja,” qal il-President Paul V. Johnson, il-President Ġenerali tal-Iskola tal-Ħadd. “Dan Iżid ukoll is-sapport spiritwali li jirċievu l-membri. Minkejja li l-iskeda tidher differenti, l-ammont ta’ ħin li se ngħaddu nitgħallmu flimkien baqa’ l-istess.”
“Ejja, Imxu Warajja” Allinjament
Kull grupp skont l-età se jkompli jipparteċipa fil-lezzjonijiet ta’ ”Ejja, Imxi Warajja” li jissapportjaw b’mod dirett l-istudju fid-dar. Il-klassijiet ta’ kull ġimgħa joffru opportunitajiet konsistenti biex nitgħallmu flimkien, naqsmu l-esperjenzi bejnietna, u nħeġġu lil xulxin fl-għajxien tal-prinċipji tal-evanġelju.
Il-klassijiet tal-Iskola tal-Ħadd se jkomplu jużaw “Ejja, Imxi Warajja—Għad-Dar u l-Knisja.”
Kurrikulu għaż-Żgħażagħ: “Għas-Sodizza taż-Żgħażagħ”
Il-manwal aġġornat “Għas-Sodizza taż-Żgħażagħ: Gwida li Tgħinna Nagħżlu”—issa hija disponibbli fil-Librerija tal-Evanġelju—u fiha 12-il kapitlu li huma f’armonija mal-istudju ta’ kull xahar. Il-kopji fiżiċi qed jintbagħtu fil-units u l-mexxejja tal-lokal m’hemmx għalfejn jordnawhom.
Mis-6 ta’ Settembru, 2026, din il-gwida se ssir il-kurrikulu għall-klassijiet tat-Tfajliet u l-kworums tas-Saċerdozju ta’ Aron. Kontenut ieħor addizzjonali se jiġi pprovdut permezz tar-rivista “Għas-Sodizza taż-Żgħażagħ”, mill-ħarġa ta’ Settembru 2026.
“Huma l-profeti ħajjin li tawna l-gwida GħSŻ. Hija sempliċi iżda effettiva. Hija tgħin lill-ġuvintur u t-tfajliet biex jiffokaw fuq Kristu, jitgħallmu d-duttrina tiegħu, u jisimgħu leħen l-Ispirtu,” qal il-President Timothy L. Farnes, President Ġenerali tal-Ġuvintur. “Din il-gwida tgħin liż-żgħażagħ jimxu b’kunfidenza, jafdaw fil-qawwa tiegħu, u jibqgħu mexjin ’il quddiem b’tama f’dinja diffiċli. Jiena nsibha ta’ għajnuna bħala parti mill-istudju tiegħi ta’ kuljum tal-iskrittura.”
Ir-riżultat mixtieq għaż-żgħażagħ li jistudjaw din il-gwida hu li huma:
- Jsiru dixxipli ta’ Ġesù Kristu li jkollhom għarfien sod tal-evanġelju tiegħu tul ħajjithom.
- Jitħejjew għad-dota b’għarfien akbar tal-ordinanzi tas-saċerdozju u l-wegħdiet tal-patt.
- Jitħejjew għal missjoni b’xewqa li jservu lill-Mulej.
- Jiffokaw fuq il-familja futura tagħhom b’għarfien li ż-żwieġ bejn raġel u mara hu ordnat minn Alla u li l-familja hija fil-qofol tal-pjan tal-Missier.
- Jagħrfu li Ġesù Kristu huwa l-qawwa tagħhom.
It-tfajliet, il-ġuvintur, u l-ġenituri u l-mexxejja tagħhom huma mħeġġa biex fid-dar tagħhom huma jabbonaw fir-rivista b’xejn “Għas-Sodizza taż-Żgħażagħ”. Dawk li jixtiequ jirċievu aktar kopji jistgħu jixtru l-ħarġiet kurrenti minn store.ChurchofJesusChrist.org jew f’xi ħanut fejn jinbiegħu. Tistgħu taċċessaw il-ħarġiet kurrenti u tal-passat minn ChurchofJesusChrist.org jew fuq l-app tal-Librerija tal-Evanġelju. Jekk il-membri jeħtieġu xi għajnuna bl-abbonamenti, huma jistgħu jikkuntattjaw lir-rappreżentant tar-rivista jew lill-iskrivan tal-qasam lokali tagħhom.
Is-Soċjetà tas-Solliev u l-Kworum tal-Presbiteri
Il-laqgħat ta’ kull ġimgħa tas-Soċjetà tas-Solliev u tal-kworum tal-presbiteri se jkomplu jiffokaw fuq messaġġi mill-aktar konferenza ġenerali riċenti. Dawn id-diskussjonijiet jenfasizzaw li huma jifhmu t-tagħlim profetiku u japplikawh fil-ħajja tagħhom ta’ kuljum.
“Hemm qawwa akbar li nirċievu meta niltaqgħu kull ġimgħa biex niddiskutu bejnietna u nitgħallmu u nissapportjaw lil xulxin,” qalet il-President Camille N. Johnson, President Ġenerali tas-Soċjetà tas-Solliev. “Meta ninġabru f’ismu, l-Ispirtu jkun preżenti biex jgħallimna, it-testimonjanzi jissaħħu, u aħna nelevaw lil xulxin fid-dixxipulat. Dan il-ħin ta’ kull ġimgħa flimkien jgħinna nersqu eqreb lejn is-Salvatur tagħna u lejn xulxin. Aħna nithennew waqt li nimxu flimkien fit-triq tal-patt.”
Insaħħu l-Qima fil-Laqgħa tas-Sagrament
Filwaqt li t-tul ta’ ħin tal-laqgħa tas-sagrament mhux se jinbidel, il-mexxejja huma mħeġġa biex deliberatament huma jikkunsidraw modi kif jistgħu jsaħħu l-kwalità ta’ qima u jgħinu biex il-laqgħa tas-sagrament issir aktar importanti fil-ħajja tal-Qaddisin tal-Aħħar Żmien. Il-membri huma mistiedna biex isibu modi sinifikanti kif itejbu l-esperjenza tagħhom ta’ qima. Il-laqgħa tas-sagrament hija ħina ta’ hena u qima, kif ukoll ta’ soċjabiltà bbażata fuq is-Salvatur Ġesù Kristu.
Il-ħames Ħadd ta’ Awwissu 2026 se jkun iddedikat għat-tħejjija u d-diskussjoni miż-żgħażagħ, il-ġenituri tagħhom u l-mexxejja tagħhom. Tħejjija u diskussjoni oħra għall-membri se ssir fit-tieni siegħa tas-6 ta’ Settembru, 2026. Ċerti riżorsi, ċertu materjal għat-taħriġ, u tweġibiet għal mistoqsijiet komuni se jkunu disponibbli fil-ġimgħat li ġejjin.