Tisħiħ tal-ħajjiet permezz ta’ inizjattivi edukattivi estiżi fl-Ewropa

Il-Ġimgħa, 24 ta’ Jannar 2025, immarkajna il-Jum Internazzjonali tal-Edukazzjoni. Il-midja tal-aħbarijiet mexxiet stejjer dwar kif l-għarfien u l-ħiliet jgħinu lill-individwi jinnavigaw b’suċċess matul il-ħajja. Filwaqt li twessa’ l-għan ta’ erba’ inizjattivi edukattivi fl-Ewropa, il-Knisja ta’ Ġesù  Kristu tal-Qaddisin tal-Aħħar Żmien qed tpoġġi dan il-prinċipju fil-prattika.

“Il-programm ta’ awto-dipendenza onlajn ipprovdut mill-Knisja ta’ Ġesù  Kristu tal-Qaddisin tal-Aħħar Żmien jintroduċi opportunitajiet ta’ tagħlim aċċessibbli għall-individwi llum, u fix-xhur li ġejjin qed jitnedew inizjattivi ġodda għall-awto-dipendenza,” qalet Ether Simoncini, il-Maniġer tas-Servizzi tal-Edukazzjoni u l-Impjiegi fiż-Żona Ċentrali tal-Ewropa tal-Knisja. Dawn l-inizjattivi għandhom l-għan li jżidu l-edukazzjoni u l-opportunitajiet ta’ impjieg għall-parteċipanti.

Għaliex Awto-Dipendenza?

Matul il-korsijiet tal-awto-dipendenza mgħallma mill-Knisja ta’ Ġesù  Kristu tal-Qaddisin tal-Aħħar Żmien, il-parteċipanti jitgħallmu kif jiftħu l-bibien tal-opportunitajiet, u b’ hekk ikunu jistgħu jimxu ’l quddiem f’ħajja mimlja opportunitajiet u futur sabiħ fl-Ewropa.

Skont ir-rebbieħa tal-Premju Nobel Marie Curie, 'Ma tistax tittama li tibni dinja aħjar mingħajr ma ttejjeb l-individwi. Għal dan il-għan kull wieħed minna jrid jaħdem għat-titjib tiegħu, u fl-istess ħin jaqsam responsabbiltà ġenerali ma’ l-umanità kollha, bid-dmir partikolari tagħna jkun li ngħinu lil dawk li naħsbu li nistgħu nkunu l-aktar utli għalihom.”

L-edukazzjoni u l-awto-dipendenza lejn il-Knisja ta’ Ġesù  Kristu tal-Qaddisin tal-Aħħar Żmien huma meqjusa bħala insegwiment tul il-ħajja li jallinja mal-pjan ta’ ferħ t’Alla biex uliedu jitgħallmu u jiżviluppaw matul din il-ħajja, u b’hekk issir responsabbilità reliġjuża wkoll.

Erba’ Riżorsi Edukattivi Sponsorjati mill-Knisja

Hawn taħt wieħed isib links mehmuża li jwasslu għal diversi programmi u inizjattivi li l-Knisja ta’ Ġesù  Kristu tal-Qaddisin tal-Aħħar Żmien ħolqot biex tappoġġja l-edukazzjoni, l-awto-dipendenza, u t-tagħlim tul il-ħajja:

1. Fond għall-Edukazzjoni Perpetwa (PEF): stabbilit fl-2001, dan il-fond jipprovdi self biex jgħin lill-membri f’żoni li qed jiżviluppaw jaċċessaw it-taħriġ vokazzjonali jew edukazzjoni għolja. Il-PEF bħalissa huwa disponibbli fl-Albanija, fl-Ungerija, u fi Spanja. Fittex aktar aġġornamenti fuq dan il-programm ta’ suċċess dalwaqt. (Link hawn)
2. Benson Scholarship: Programm ta’ boroż ta’ studju ffukat fuq l-assistenza lill-istudenti li huma mħajrin jistudjaw l-agrikultura biex jiksbu għarfien u ħiliet biex itejbu l-komunitajiet tagħhom. (link f’din il-paġna)
3. EnglishConnect: Programm imfassal biex jgħin lill-membri u lil dawk li mhumiex membri jitgħallmu l-Ingliż f’ambjent ta’ appoġġ. It-tagħlim tal-Ingliża jista’ jiftaħ il-bibien għall-edukazzjoni, l-impjiegi, u s-servizz missjunarju. (link hawn)
4. Pathwayconnect u BYU-Pathway Internazzjonali: programm edukattiv aċċessibbli, bi prezz baxx li jipprovdi ċertifikati, lawrji, u opportunitajiet ta’ tagħlim bażiku. IL-BYU-Pathway Internazzjonali jintegra t-tagħlim spiritwali mal-edukazzjoni sekulari, u jippermetti lill-parteċipanti jikbru kemm fl-għarfien kif ukoll fil-fidi. (link hawn)

Permezz ta’ dawn ir-riżorsi, il-Knisja ta’ Ġesù  Kristu tal-Qaddisin tal-Aħħar Żmien trawwem kultura ta’ tagħlim u progressjoni. Il-membri huma mħeġġa mhux biss biex jivvalorizzaw l-edukazzjoni tagħhom stess iżda wkoll biex jestendu l-opportunitajiet edukattivi għal oħrajn, billi jirriflettu l-imħabba u l-missjoni tas-Salvatur li “jgħallmu lill-ġnus kollha” (Mattew 28:19).